Jeeeminn!

Þvílíkur dagur! Nathalie er með 39 stiga hita, stelpan á hæðinni fyrir ofan með 40,6 og við  mömmurnar hérna ekkert allt of hressar heldur  Og eins og það væri ekki nóg þá komin aumingja greyið Becca mín heim með illa klemmdan litla putta, alveg að drepast!  Litla skinnið! Vona bara að hann sé ekki brotinn! Og svo er greyið Ívar hérna, mitt í slysa/veikindabælinu...ekkert allt of gaman fyrir hann, angann minn...

Ég gerði svona Gunnar áðan , við kaupum mjólk í 2 lítra dunkum með skrúfutappa, og það þarf að hrista mjólkina af því að hún er bara svona létt fitusprengd og annars leggst fitan eins og himna á yfirborðið. Allt í lagi með það, Nathalie, voða aum og veik, vildi fá mjólk og súpermamman náttúrulega stekkur á stað til að verða við ósk barnsins, grípur í mjólkurdunkinn, hristir hann og fattar svo þegar mjólkurtaumarnir renna niður eftir höfðinu á henni að: Úúps, hún var ekki lokuð!!!
Ég veit ekki hverjum fannst þetta fyndnast, mér eða krökkunum  Nathalie var eiginlega hrifnust af að ég sullaði bara á mig og ekki á hana!

Athugasemdir

[Erna Evudóttir, 21.2.2007 kl. 18:53]

En var það ekki Kleópatra sem baðaði sig uppúr mjólk, var alveg að virka fyrir hana ekki leiðum að líkjast!

[Birna Dúadóttir, 21.2.2007 kl. 19:53]

Kleópatra mín,þú ert æði.Vonandi batnar snúllunum báðum fljótt

[Jónína Dúadóttir, 21.2.2007 kl. 22:06]

Ég skil þetta með Jóku hjúkrunarfræðing, látið ykkur nú batna fljótt og vel

[Erna Evudóttir, 21.2.2007 kl. 23:38]

Já sko Ívar má ekki verða lasinn, fótbolti á föstudaginn, mæting 0715

[Jónína Dúadóttir, 22.2.2007 kl. 07:53]

Hann er algjör nagli, færi sjálfsagt samt

[Jónína Dúadóttir, 22.2.2007 kl. 10:25]

Jóka mín ég vona að ástandið á ykkur sé eitthvað betra í dag

[Birna Dúadóttir, 22.2.2007 kl. 12:30]

Hvernig líður á heimilinu núna?

[Jóhanna Pálmadóttir, 22.2.2007 kl. 13:58]

Nathalie ennþá með hita, sofandi núna greyið og Becca anginn ennþá alveg að drepast í puttanum, leyfði henni að taka sér frí úr skólanum ídag