SORG!!!

Í dag syrgi ég ótímabæra brottför yndislegu Bodum Bistrokaffikönnunnar minnar , hún rann mér úr greipum og brotnaði! Hennar verður sárt saknað, megi Guð vera sálu hennar náðugur!   

Fór á netið strax til að leita að nýrri...guess what, svona könnur kosta ca 330 sænskar krónur! Hver hefur efni á því? En af því að ég elskaði könnuna mína svo innilega...og líka kaffið sem hún framleiddi (fólk fjölmennti heim til mín til að drekka þetta víðsfræga kaffi) þá VERÐ ég að eignast aðra eins! Nú drekk ég duftkaffi, og það kemur sennilega til með að leiða mig til dauða (nei, bíddu, lifði af kaffið á teríunni, nunnupissið hennar mömmu og kaffið hennar Ernu), en samt!!!

Ég elska samtökin, redduðum fari til Stokkhólms með einhverju pari sem er að fara alla leið frá Skáni! Stundum virkar þetta...

KAFFI!!!!!

Athugasemdir

[Ragnheiður (IP-tala skráð) 7.2.2007 kl. 13:23]

Blessuð og sæl, mikið skil ég þig vel, en... það er líf eftir brotna kaffikönnu... framhaldslíf ... það er nefninlega hægt að kaupa nýtt gler í þessar fínu könnur! Ég braut einmitt glerið í stærri könnunni minni um daginn og ný kostar heilan helling (hva, ca 8000 ISK), en ég gat keypt varahlut (jamm, nýtt gler) í Húsgagnahöllinni hér heima á Íslandi á um þúsund kall. Það er pottþétt hægt að kaupa varahluti í einhverri Bodum deild húsbúnaðarverslana þarna úti hjá þér   Kveðja, Ragnheiður kaffikerling.

[Erna Evudóttir, 7.2.2007 kl. 14:12]

Það er nú bara allt í lagi með kaffið mitt, ekki jafn sterkt og kaffið sem hellt var uppá á Eyrarlandsveginum i den! Samhryggist þér samt útaf könnunni þó þú sért þá hress á morgnana, 1.90 á hæð og notir skó númer 44!

[Jónína Dúadóttir, 8.2.2007 kl. 09:15]

Ég samhryggist þér út af kaffikönnunni og gleðst með þér út af ferðalaginu. En það er eitt sem ég er að pæla í : ef þú ert 1.90 á hæð er ég þá ekki 2.30 ?Og vil ég þá ekki einu sinni leiða hugann að skónúmerinu mínu

[Jóhanna Pálmadóttir, 8.2.2007 kl. 10:03]

Hey stubbur!!! Er ekki soldið langt síðan ég varð stærri en þú? Var ég ekki í 4. bekk eða eitthvað svoleiðis?   

[Jónína Dúadóttir, 8.2.2007 kl. 20:11]

Ha ? Ég heyri svo illa núna, ætli það sé ekki frostið bara

[Jens Hjelm (IP-tala skráð) 8.2.2007 kl. 22:37]

Farið hefur fé betra og kaffikönnur fara og koma ........

[SigrúnSveitó, 9.2.2007 kl. 21:03]

Ég samhryggist þér.  Hef upplifað þessa sorg...komst yfir hana...með því að kaupa nýja Bodum...og já, þær er ógeðslega dýrar!!