27. febrúar

TIL HAMINGJU MEÐ AFMÆLIÐ ELSKU BIRNA OKKAR!!!   

Ég er hætt!!!

Nenni þessu ekki lengur, þessu óléttustandi!!! Fór að klæja út um allt og fékk þá að vita að ég er sennilega með meðgöngukláða, sem ég hef aldrei heyrt um áður, en sem er greinilega eitthvað fyrirbæri sem ekki er sniðugt fyrir barnið...þarf að fara í blóðprufu eftir helgi til að láta tékka á þessu og ef svo er verð ég sett á lyf...þetta er eitthvað sem er alls ekki hættulegt fyrir mig, hefur eitthvað með lifrina og óléttuhormón að gera og einu einkennin fyrir mig eru kláði, en þetta getur víst skemmt naflastrenginn einhvern veginn...minn ekkert að fatta...svo hverfur þetta bara strax eftir fæðinguna! Svo fékk ég töflur við kláðanum, en leist ekki alveg á blikuna þegar hún í apótekinu fór að tala um slævandi áhrif og að ég mætti alls ekki drekka áfengi með þeim (fyrir utan að ég er óvirkur alki þá er ég ólétt í 8 mánuði, áfengi hvað??? ). Fór heim og hringdi inn á Vog, og mikið rétt, ég á helst ekki að taka þessar töflur. Þannig að ég á um tvennt að velja, annað hvort tek ég töflur sem ég á að forðast eða þá klóra ég mig í tætlur...hmmm...what to do?

Annars er það helst í fréttum að við erum enn að bíða eftir að fá stærri íbúð sem er ekki gott, eeen mitt í öllu þessu veseni þá er pabbi hennar Beccu búinn að snúa við blaðinu algerlega, er viðræðuhæfur og samvinnufús og er mas búinn að vera hérna hjá okkur með kærustunni bæði í mat og kaffi og til að hjálpa Beccu að taka til í herberginu sínu...sem er alveg frábært!!!

Nenni ekki að skrifa meira í bili, ætla að finna mér horn þar sem ég get staðið og klórað mér bara...

 

Bumbubúi...

Loksins kemur mynd af bumbunni:

Vil taka það fram strax að stjúpa Beccu minnar á að eiga mánuði seinna en ég og hún er MIKIÐ stærri!!!

Talandi um Ragga Bjarna wannabe...

Vil bara taka undir með Ernu, en ekki trúa okkur, sjáið frekar með eigin augum...vil vara við heilaskemmdum og öðrum mannskemmandi áhrifum sem þetta myndband getur valdið...