Myndir, myndir :)

Búin að bæta við slatta af myndum á heimasíðuna okkar: www.freewebs.com/islenskusviarnir

Gleðileg jól!

Ég vil senda öllum, ættingjum sem og bloggvinum innilegar hátíðarkveðjur hér úr Svíaríki, og óska ykkur öllum friðsælla jóla.

Jóla hvað?

Nennti loksins að setjast við tölvuna, er eitthvað að henni og ég hef bara ekki nennt að taka mér tíma til að reyna að laga það...

Jólin nálgast óðfluga og fyrirmyndarhúsmóðirin ég að sjálfsögðu byrjuð að baka, bakaði kanelsnúða sem kláruðust á 2 dögum, bakaði svo meira og faldi þá...muahaha... Bakaði svo spesíur og hálfmána, var næstum því búin að baka hálfmánana þegar rabbabarasultan mín kláraðist!!! Og hvar nær maður í svoleiðis sultu í Svíaríki? Jú, það skal ég segja ykkur: HVERGI!!! :( En skítt með það, ég ætla að éta þá sem ég gat gert með sultunni góðu aaalveg ein, læsi mig bara inni á baðherbergi með þá...hahaha (get ekki notað broskalla af einhverri undarlegri ástæðu, taka þessa tölvu og gera eitthvað við hana).

Nú, svo erum við loksins að fara að flytja, þannig að í ár teikna ég bara jólasveina á pappakassana, svo veit ég ekkert hvar við eigum að skella upp jólatré í ár, ekkert pláss...

Jæja, nenni ekki að skrifa meir í bili, ætla að fara að laga til...love u all...og btw þá er maðurinn minn orðinn frægur, veit að það eru ekki allir fluglæsir á sænsku, en myndin er flott: http://www.jnytt.se/Read__20444.aspx