"God promises a safe landing but not a calm voyage"

...en ég myndi ekki bjóða í hvað það manni myndi leiðast ef ferðalagið væri ekki jafn spennandi og það er, það er það sem gefur lífinu gildi...  Smá Pollýanna hérna um miðja nótt í Svíþjóð..

Er með litla "næstum því fjögurra ára" dömu hérna sem tók upp á því í kvöld að verða veik og af því að hún er svo lík mömmu sinni þá er hún sko ekki með neitt hálfkák, heldur er hún vel og vandlega og rækilega lasin...hún er svo lasin að ég hringdi í barnabráðamóttökuna áðan (nú er ég svoooo montin af að hafa þýtt "barnakuten" yfir á íslensku að þið ætlið bara að leyfa mér að halda að það sé til eitthvað sem heitir barnabráðamóttaka á íslensku ). Litla liggur nefnilega bara uppí rúmi með háan hita, verki út um allt, sérstaklega í höfði og hálsi, er varla við meðvitund finnst mér og kófsveitt . Konan sem ég talaði við vildi samt meina að þetta væri sennilega blanda af þreytu og hita og að ég skyldi fylgjast vel með henni og hafa svo samband aftur ef hún versnar...mér finnst gott að hringja þangað, ég er að upplifa að maður sé tekinn alvarlega þarna sem er mikils virði! Litla skinnið, mér finnst svo scary þegar börnin mín verða svona mikið lasin.

Við fórum allar dömurnar og heimsóttum Einar og Jóhönnu um síðustu helgi, að sjálfsögðu var það alveg yndislegt, þau eru svo hlýleg og góð bæði, frábærir krakkar! Það eina neikvæða við helgina var að við þurftum að fara heim. En mikið voðalega finnst mér nú tíminn vera að ná mér þegar litli litli Einar minn er farinn að búa!

Bráðum fáum við svo að hitta sveitapakkið frá Fáskrúðsfirði, það verður frábært, enda mikill söknuður í gangi hérna meginn!!!

Jæja, ætla reyna að sofa smá, litli sjúklingurinn minn vaknar á hálftíma fresti og kveinkar sér, kemst ekki einu sinni á klóið sjálf...nú og litla skottan vaknar sjálfsagt bráðum og vill fá sér smá súp. Nóg að gera hérna meginn en þó það sé erfitt stundum þá er það þess virði og ég myndi ekki vilja skipta um líf þó ég fengi borgað fyrir þetta, ég er fullviss um að þegar prinsessurnar mínar eru vaxnar úr grasi á ég eftir að sakna þess að fá að sjá um þær í veikindum...

What!!?

Ég er kannski mjög öfgakennd en eitthvað er mér ekki að finnast dómurinn samræmast gjörðum mannsins!!!  Hvað getur maður verið lasinn?

Með 24 þúsund barnaklámmyndir

Ó já, ég var víst líka klukkuð...

Ég var klukkuð af Gunnari og Birnu

Fjögur störf sem ég hef unnið um ævina

• Kirkjugarðar Akureyrar
• Útgerðarfélag Akureyrar
• Frystihúsið í Hrísey
• Aðallager Elko, Torsvik 

Fjórar bíómyndir sem ég held upp á

• Gone in 60 seconds
• Bram Stoker's Dracula 
• American History X 
• The Rock

Fjórir staðir sem ég hef búið á

• Akureyri 
• Jönköping, Svíþjóð
• Huskvarna, Svíþjóð
• Norrahammar, Svíþjóð

Fjórir sjónvarpsþættir sem mér líkar

• Desperate Housewives 
• House
• Grey's anatomy
• Pistvakt (Sænskur grínþáttur)

Fjórir staðir sem ég hef heimsótt í fríum

• Stokkhólmur 
• Helsinki 
• Kaupmannahöfn
• Reykjavík 

  Fjórar síður sem ég skoða daglega fyrir utan blogg

• www.hotmail.com
• www.bitefight.se  
• www.arla.se 
• www.tradera.com

Fernt sem ég held uppá matarkyns

• Siginn fiskur
• Íslenskir hamborgarar 
• Djúpsteiktar pylsur með osti og öllu nema hráum 
• Íslenskar kjötbollur.

 

  Fjórar bækur sem ég hef lesið oft

• Hvaða bók sem er eftir Dean Koontz 
• Vetrarborgin 
• Húsið á heimsenda 
• Bækurnar um Sherlock Holmes

Fjórir bloggarar sem ég klukka  

• Jónína Dúadóttir 
• Erna Evudóttir 
• Sólveig Kristín Gunnarsdóttir
• Jens Hjelm

Bara svona mánudagur...

Voðalegt hvað ég er löt við að skrifa hérna...sorrí!
Ekkert nýtt í mínu lífi, það bara gengur sinn vanagang hérna úti, enda í fæðingarorlofi enn....

Becca týndi gleraugunum sínum í gær, og fannst það bara allt í lagi, kosta hvort eð er ekki svo mikið tilkynnti hún pabba sínum, og þar að auki þarf hún ekkert að nota þau lengur, hún er með fína sjón...og þá greinilega farin að hitta augnlækni í laumi, ég hélt nefnilega að hún þyrfti að ganga með þau daglega...
Sem betur fer hringdi pabbinn svo í mig um kvöldið og sagði að þau hefðu komið í leitirnar...hjúkk itt!!!

Nenni ekki að skrifa meira, ætla að fara að leita að einhverju í frystinum sem ég get haft í kvöldmat...